आज बिहान साढे ७ बजे नारायणगढ–मुग्लिन सडक खण्डको गाइघाटमा सातवटा सवारी साधन एक आपसमा ठोक्किँदा २१ जना घाइते भएका छन्।

चितवन प्रहरीले जनाएको अनुसार मुग्लिनबाट नारायणगढ तर्फ आउँदै गरेको ट्रक (ना ८ ख ६६२९) र नारायणगढबाट काठमाडौंतर्फ जाँदै गरेको बस (बा ४ ख ७४२०) आपसमा ठक्कर खाँदा दुर्घटना सुरु भएको थियो। त्यसपछि बसको पछाडि रहेका अन्य पाँचवटा सवारी साधन क्रमशः ठोक्किँदा ठूलो घटना भएको हो।

दुर्घटनामा संलग्न सवारी साधनहरू

ट्रक: ना ८ ख ६६२९

बस: बा ४ ख ७४२०

टेलर: ना ७ ख ९६०७

इभी माइक्रो: बा।प्र।०६(००१ ग ०४८४)

बस: ग २ ख १६२६

बलेरो: ना ३ च ३२५६

कार: बा ८४७०

घाइतेहरूको विवरण

नेशनल सिटी अस्पताल: १३ जना

नयाँ मेडिकल कलेज, भरतपुर: ४ जना

जनता केयर अस्पताल: ४ जना

डिएसपी रविन्द्र खनालका अनुसार प्रहरीले सबै घाइतेको उद्धार गरेर अस्पताल पुर्‍याएको छ। दुर्घटनाको कारण र थप विवरण अनुसन्धान भइरहेको छ।